غناء ام كلثوم
انتاج 1965
الملحن محمد عبد الوهاب
المؤلف احمد شفيق كامل
حفلات
قصر النيل 1965-12-02
منزل جمال عبد الناصر 1966
قصر النيل 1966-01-06
حديقة الأزبكية 1966-02-03
جامعة القاهرة 1966-02-24
قصر النيل 1966-03-03
قصر النيل 1966-04-07
قصر النيل 1966-06-02
فرنسا مسرح الأولمبيا – باريس 1967-11-15
المغرب مسرح محمد الخامس 1968-03-04
لبنان مسرح بعلبك 1968-07-14
ليبيا بنغازي 1969-03-19
حكاية «أمل حياتى» فكانت بمبادرة من أم كلثوم التى أعجبها نص «إنت عمرى» وأسلوب احمد شفيق ولغته العالية فى كتابة الأغنية فقالت لعبد الوهاب «استعد للموسم القادم بكلام لشفيق كامل الذى كان بدوره يدرك مسبقاً أن أم كلثوم ستطلب منه أغنية ثانية بعد النجاح الكاسح لأغنيته الأولى، وذات مرة عند زيارته لعبد الوهاب وبعد جلسة ود مطولة فاتحه عبد الوهاب هل كتبت حاجة جديدة للموسم القادم ؟ فقال له كتبت مذهب أغنية جديدة فإذا عجبك أكمل باقى الكلام ، فسمع منه المذهب « أمل حياتى ياحب غالى ما ينتهيش .. ياأحلى غنوة سمعها قلبى ولا تتنسيش .. خد عمرى كله .. بس النهاردة خلينى أعيش .. خلينى جنبك .. فى حضن قلبك .. وسبنى أحلم .. ياريت زمانى ما يصحنيش « فابتسم عبدالوهاب وانبهر بهذا المدخل الجميل وطلب من شفيق قراءته من جديد وظل يردده أكثر من مرة وقال له كمل باقى الكلام وترك له المذهب وظل عبد الوهاب يدندنه بينه وبين نفسه فى نفس الجلسة، وشعر شفيق أن الكلام أعجبه وعاد إليه بعد ثلاثة أيام ومعه النص الكامل للأغنية.

وقال شفيق كامل إن كلمات الأغنية كلها كانت جاهزة معى ولكن لم أعرض على عبد الوهاب إلا المذهب حتى أراجع باقى كلمات الأغنية، وهذا ما حدث بالفعل مع عبد الوهاب الذى قرأ بدوره النص الكامل للأغنية وأعجبت بها أم كلثوم وقالت له توكل على الله أنا عايزة أسمع اللحن قريبا ً ،ودخل عبد الوهاب صومعته ولم يخرج منها إلا بعد اكتمال اللحن لتطلب من رئيس فرقتها الموسيقية عازف القانون الأول محمد عبده صالح الحضور والتجهيز لكتابة النوتة الموسيقية تمهيدا لإجراء البروفات التى استمرت باستوديو مصر فون أمام مكتب بريد العتبة، وكانت تربطنى علاقة طيبة بمهندس الصوت كمال اسكندر المتخصص فى تسجيلات أم كلثوم واستأذنته فى حضور بعض البروفات ووافق على ذلك ولكن بعد مرور الأسبوع الأول لأن عملية التسجيل تتم فى سرية كاملة كما طلبت أم كلثوم التى كانت فى قمة أدائها للحن عبد الوهاب الذى كان بدوره يراجع أعضاء الفرقة الموسيقية والتعرف بنفسه على مدى إتقان كل عضو فى الفرقة للنوتة الموسيقية الموجودة أمامه . وهو نفس ما حدث فى لحنه الأول لأم كلثوم « إنت عمرى» وطلب من عازف الإيقاع ( الطبلة ) مراجعة النوتة الموسيقية كما هى وصحح له الجملة اللحنية وأمسك عبد الوهاب بالطبلة وعزف أمامه وما كان من كبير مصورى الأهرام إميل كرم إلا أن إلتقط هذه الصورة التى نشرها الأستاذ صلاح هلال على ثمانية اعمدة بالصفحة الأخيرة وأحدثت دويا كبيرا بعنوان ( المعلم يعلم ) وما زلت أذكرها له حتى الآن .

كلمات
أمل حياتى ياحب غالى ما ينتهيش

يا أحلى غنوه سمعها قلبي ولا تتنسيش

خد عمرى كله بس النهارده خلينى أعيش

خلينى جنبك فى حضن قلبك

وسيبنى أحلم ياريت زمانى يا ريت زماني ما يصحينيش

أملى … حياتى … عينيه يا أغلى منّى عليّه

يا حبيبى امبارح و حبيب دلوقتِ

ياحبيبى لبكره ولآخر وقتى

أحكى لى قوللى

إيه من الأمانى ناقصنى تانى وأنا بين ايديك

عمرى ما دقت حنان فى حياتى زى حنانك

و لاحبيت ياحبيبى حياتى إلا علشانك

و قابلت آمالى وقابلت الدنيا وقابلت الحب

اول ما قابلتك واديتك قلبى يا حياة القلب

أكتر من الفرح ده ما احلمش أكتــر من اللى أنا فيه ما أطلبش

بعد هنايا معاك يا حبيبى لو راح عمرى أنا مااندمش

وكفايه أصحى على ابتسامتك بتقوللى اعيش

أسمعها غنوه تقول لحبى ما ينتهيش

خلينى جنبك فى حضن قلبك

وسيبنى أحلم ياريت زمانى مايصحينيش

يللى حبك خلى كل الدنيا حب

يللى قربك صحى عمر وصحى قلب

وانت معايا يصعب علىّ رمشة عينيه ولا حتى ثانيه

يصعب علىّ ليغيب جمالك ويغيب دلالك ولو شويه

قد كده باشتاق إليك قد كده ملهوف عليك

نفسى أنده لك بكلمة ماتقالتش لحد تانى

كلمة قد هواك ده كله قد أشواقى وحنانى

كلمة زيك واللى زيك فين؟

دا أنت زيك ما اتخلقش أتنين

وكفاية أصحى على ابتسمتك بتقوللى اعيش

أسمعها غنوه تقول لحبى ماينتهيش

خلينى جنبك فى حضن قلبك

وسيبنى أحلم ياريت زمانى ما يصحينيش

ياحبيبى مهما طال عمرى معاك برضه ايامه قليله

دى السعادة والحنان اللى فى هواك ما يقضيهاش أجيال طويلة

حبك يا حبيبى ملا قلبى وفكرى

بينوّر ليلى ويطوّل عمرى

بيزيد بيزيد فى غلاوته دايمأ بيزيد

وتملي جديد فى حلاوته وتملى جديد

إنت خليتنى أعيش الحب وياك الف حب

كل نظره إليك احبك من جديد وأفضل أحب

أنا حبيت فى عينيك الدنيا كل الدنيا حتى عوازلى او حسادى

كل الناس حلوين فى عينيه حلوين

طول ما عينيه شايفه الدنيا وأنت قصادى

وأنام وأصحى على شفايفك بتقوللى اعيش

أسمعها غنوه تقول لحبى ماينتهيش

خلينى جنبك فى حضن قلبك

وسيبنى احلم ياريت زمانى ما يصحينيش